نئی دہلی(آئی این پی) چیمپئنز ٹرافی فائنل میں پاکستان سے شکست پر بھارتی میڈیا کی جانب سے اپنی کرکٹ ٹیم کی گوشمالی جاری۔ بھارتی میڈیا اپنی ہی ٹیم کا پوسٹ مارٹم کردیا‘دل جلے رپورٹرز نے کپتان ویرات کوہلی، شیکھر دھون، روہت شرما، دھونی اور یووراج سنگھ کو مجرم ‘این ڈی ٹی وی تو اپنی ٹیم کی کارکردگی کو شرمناک قرار دیدیا۔ تفصیلات کے مطابق آئی سی سی چیمپئنز ٹرافی میں پاکستان کے ہاتھوں ذلت آمیز شکست پر بھارتی میڈیا نے اپنی ٹیم کا پوسٹ مارٹم شروع کردیا۔آئی سی سی چیمپئنز ٹرافی میں شکست کے بعد بھارتی ٹیم کے ساتھ اپنے ہی ملک میں وہ کچھ ہو رہا ہے جو پاکستان کے ساتھ
بھارت سے ہارنے کے بعد ہر بار ہوتا ہے۔ یعنی بھارتی میڈیا اپنی ہی ٹیم کا پوسٹ مارٹم کرنے لگا۔کچھ دل جلے رپورٹرز نے کپتان ویرات کوہلی، شیکھر دھون، روہت شرما، دھونی اور یووراج سنگھ کو مجرم قرار دے دیا۔ آل راؤنڈر ریوندرا جدیجا اور کیدار جادیو بھی پوسٹ مارٹم میں اہم رہے۔این ڈی ٹی وی تو اپنی ٹیم کی کارکردگی کو شرمناک قرار دیتا رہا پوسٹ مارٹم صرف بیٹنگ تک نہ رہا، تین سو انتالیس رنز کے پہاڑ جیسے ہدف پر بالرز کو بھی آڑے ہاتھوں لیا گیا۔بھارتی میڈیا نے شکست کی وجہ کپتان ویرات کوہلی کی ٹاس جیت کر پاکستان کو بیٹنگ کرانے کے فیصلے اور ناقص فیلڈنگ کو بھی قرار دیا۔
