اسلام آباد(مانیٹرنگ ڈیسک) جعلی ڈگری کیس، ن لیگ کے رکن پنجاب اسمبلی شوکت بھـٹی نا اہل قرار۔ تفصیلات کے مطابق جعلی ڈگری کیس میں الیکشن کمیشن آف پاکستان نے مسلم لیگ ن کے رکن پنجاب اسمبلی شوکت بھٹی کو نا اہل قرار دیدیا ہے۔ میڈیا رپورٹس کے مطابق 2013کے عام انتخابات میں پنجاب اسمبلی کے حلقہ پی پی 4گوجر خان سےمنتخب

ہونے والے مسلم لیگ ن کے رکن پنجاب اسمبلی شوکت بھٹی کے خلاف الیکشن کمیشن میں ان کے مخالف امیدوار افتخار کیانی نے جعلی ڈگری کے حوالے سے رجوع کر رکھا تھا۔ شوکت بھٹی کی جعلی ڈگری کیس کی سماعت کرتے ہوئے چیف الیکشن کمشنر کی سربراہی میں 5رکنی کمیشن نے فریقین کے دلائل سننے کے بعد شوکت بھٹی کو نا اہل قرار دیا۔