ملتان(آئی این پی) ماڈل قندیل بلوچ قتل کیس کی سماعت6جولائی تک ملتوی کردی گئی،تفصیلات کے مطابق قندیل بلوچ قتل کیس کی سماعت ایڈیشنل ڈسٹرکٹ اینڈ سیشن جج سید ضیغم عباس رضوی کی عدالت میں ہوئی ، عدالت میں گرفتار ملزمان وسیم، عبدالباسط اور حق نواز کو پیش کیا گیا۔
عدالت نے مقدمہ کے تفتیشی افسر کی جانب سے چالان آئندہ سماعت پر پیش کرنے کی درخواست پر سماعت 6 جولائی تک ملتوی کردی ۔واضح رہے کہ عدالت نے مقدمہ کے تفتیشی افسر سے ملزم اسلم شاہین کا چالان طلب کیا تھا۔واضح رہے کہ ماڈل قندل بلوچ کو 15 جولائی 2016ء کو قتل کردیاگیاتھا۔
