نوشہرہ (آئی این پی ) وزیراعلی خیبرپختونخواپرویزخٹک نے کہاہے کہ وفاقی حکومت نے 30 ارب 20 کروڑ روپے پن بجلی کے منافع کی مد میں جاری کر دیے ہیں پن بجلی کے منافع میں18ارب روپے سالانہ کااضافہ کیاہے۔ اتوار کو نوشہرہ میں صحافیوں سے گفتگو کرتے ہوئے وزیراعلی خیبرپختونخواپرویزخٹک نے کہاہے کہ وفاقی حکومت نے

صوبے کو تیس ارب بیس کروڑ روپے پن بجلی کے خالص منافع کی مد میں جاری کئے ہیں۔انہوں نے کہاکہ پن بجلی کے منافع کے حجم میں اٹھارہ ارب روپے سالانہ کااضافہ کیاگیاہے۔ایک سوال پر وزیراعلی نے کہاکہ پشاور، چارسدہ اورنوشہرہ کو سیلاب سے محفوظ رکھنے کیلئے دریائے کابل پر پندرہ ارب روپے کی لاگت کے پشتے تعمیر کئے جارہے ہیں۔