لاہور/ راولپنڈی / گوجرانوالہ / ملتان (آئی این پی) بارش اور تیز ہواؤں نے پنجاب میں گرمی کا زور توڑ دیا ، لاہور سمیت مختلف شہروں میں تیز ہواؤں کیساتھ بارش کا امکان ہے۔تفصیلات کے مطابق بارش اور تیز ہواؤں نے پنجاب میں گرمی کا زور توڑ دیا ، راولپنڈی ، گوجرانوالہ ، لاہور ، ملتان ، بہاولپور ، ڈی جی خان، ڈی آئی خان ، اسلام آباد ، فاٹا ، کشمیر میں بھی تیز ہواؤں اور گرچ چمک کے ساتھ بارش کا امکان ہے۔

پنجاب کے مختلف علاقوں میں بارش اور تیز ہوائیں چلنے سے گرمی کی شدت کم ہوئی ہے ، راولپنڈی، گوجرانوالہ، لاہور، ملتان ، بہاولپور، ڈی جی خان، ڈی آئی خان ، اسلام آباد، فاٹا اور کشمیر میں آج بھی بارش کا امکان ہے۔محکمہ موسمیات کے مطابق ملک کے دیگر علاقوں میں موسم گرم اور خشک ہے ، کراچی میں آج مطلع جزوی ابر آلود رہنے کا امکان ہے۔جمعہ کو اسلام آباد میں درجہ حرارت 38، لاہور 41 ، کراچی میں 36 سینٹی گریڈ ریکارڈ کیا گیا۔

موضوعات:محکمہ موسمیات