کراچی (این این آئی)بینکنگ کورٹ کراچی نے صدر عسکری بینک سید حسنین کے وارنٹ گرفتاری جاری کرتے ہوئے 23جون کو عدالت میں پیش کرنے کا حکم دیا ہے ۔ہفتہ کو بینکنگ کورٹ کراچی میں فراڈ کیس کی سماعت ہوئی ۔عدالت نے دس لاکھ روپے بینک فراڈ کیس میں برانچ منیجر علی رضوان کے بھی وارنٹ جاری کئے تھے۔وارنٹ گرفتاری جاری ہونے کے بعد برانچ منیجر

نے عدالت میں پیش ہو کر اپنا پاسپورٹ جمع کرادیا۔ مدعی نے چیک فراڈ الزام پر ملزمان کے خلاف بینکنگ کورٹ میں درخواست جمع کرائی تھی۔عدالت نے صدر عسکری بینک سید حسنین کے پیش نہ ہونے پر ملزم کے وارنٹ گرفتاری جاری کرتے ہوئے اس کا پاسپورٹ تحویل میں لینے کا حکم دے دیا ۔عدالت نے احکامات دیئے کہ سید حسنین کو 23جون کو عدالت میں پیش کیا جائے ۔