اسلام آباد(آئی این پی ) حکومت چیف جسٹس سپریم کورٹ کی فون کالز ٹیپ کر رہی ہے ، شریف فیملی جے آئی ٹی کا بائیکاٹ کرنے والی ہے ، شریف خاندان کے پاس ثبوت نہیں اس لئے جے آئی ٹی کو متنازعہ بنا رہے ہیں ، جن ججز نے نوازشریف کو نااہلی سے بچایا اب حکومت انہی کے خلاف ہوگئی ہے ، ہمارے پاس دنیا کی چھٹی بڑی فوج ہے مگر ہمیں اپنی طاقت کا اندازہ نہیں ، کبھی کوئی ملک ہمیں دھمکی دیتا ہے تو

کبھی کوئی ، میاں نوازشریف کی مقبولیت میں واضح کمی آئی ہے ، پاکستان کو خارجہ پالیسی واضح کرنا ہوگی ، حکومت خود فیصلے کر کے اسٹیبلشمنٹ کو بدنام کر رہی ہے ۔ پیپلزپارٹی کے مرکزی رہنما اورقومی اسمبلی میں قائد حزب اختلاف سید خورشید شاہ نے دعویٰ کیا ہے کہ حکومت چیف جسٹس سپریم کورٹ کی فون کالز ٹیپ کر رہی ہے ، شریف فیملی جے آئی ٹی کا بائیکاٹ کرنے والی ہے ، شریف خاندان کے پاس ثبوت نہیں اس لئے جے آئی ٹی کو متنازعہ بنا رہے ہیں ، جن ججز نے نوازشریف کو نااہلی سے بچایا اب حکومت انہی کے خلاف ہوگئی ہے ، ہمارے پاس دنیا کی چھٹی بڑی فوج ہے مگر ہمیں اپنی طاقت کا اندازہ نہیں ، کبھی کوئی ملک ہمیں دھمکی دیتا ہے تو کبھی کوئی ، میاں نوازشریف کی مقبولیت میں واضح کمی آئی ہے ، پاکستان کو خارجہ پالیسی واضح کرنا ہوگی ، حکومت خود فیصلے کر کے اسٹیبلشمنٹ کو بدنام کر رہی ہے ۔ وہ جمعرات کو نجی ٹی وی کو انٹرویو دے رہے تھے ۔انہوں نے کہا کہ سیاسی سفر میں کچھ ساتھ رہتے ہیں اور کچھ ساتھ چھوڑ دیتے ہیں مگر قافلے کا کوئی مقصد ہوتو قافلہ چلتا رہتا ہے ، 1977میں بھی بہت سے لوگ پی پی کو چھوڑ گئے تھے ، جو لوگ الیکشن نہیں جیت سکے وہ پارٹی چھوڑ کر جا رہے ہیں ۔ خورشید شاہ نے کہا کہ 2008سے2013تک ہماری کارکردگی بہتر رہی مگر میڈیا کے ذریعے اپنی کارکردگی سہی طرح دکھا نہیں سکی ۔

اپوزیشن لیڈر نے کہا کہ پیپلزپارٹی نے دوراقتدار میں بڑی کامیابیاں حاصل کیں ، ندیم افضل چن اور قمر زمان کائرہ کو پیپلزپارٹی نے بہت عزت دی ہے ان کے پارٹی چھوڑ کر نے کا سوال ہی پیدا نہیں ہوتا۔ انہوں نے کہا کہ اگلے ماہ میں پیپلزپارٹی میں اچھی تبدیلی آئے گی ، پی ٹی آئی کے کچھ لوگ ہمارے پاس آسکتے ہیں ، مسلم لیگ (ن) نے جے آئی ٹی کو متنازع بنانے کی کوشش کی ، میاں صاحب کی مقبولیت میں بہت کمی آئی ہے ، نہال ہاشمی سے تقریر خود حکومت نے کروائی اور اس سب معاملے کے پیچھے حکومت ہے ۔

خورشید شاہ نے کہا کہ پانامہ لیکس کا فیصلہ آیا تھا تو اس جے آئی ٹی کی تشکیل پر حکومت نے جشن منایا تھا ، جے آئی ٹی سے لیک ہونے والی تصویر میں حسین نواز عزت سے بیٹھے ہیں مگر بینظیر شہید کو عدالتوں میں بلا کر اینٹوں پر بٹھایا جاتا تھا اور آصف زرداری کی زبان میں کیل ٹھوک دی گئی تھی ، جن ججز نے نوازشریف کو نااہلی سے بچایا اب حکومت انہی کے خلاف ہوگئی ہے ۔انہوں نے کہا کہ شریف خاندان کے پاس ثبوت نہیں ہیں اس لئے وہ جے آئی ٹی کو متنازع بنا رہے ہیں اور حکومت چیف جسٹس کا فون ٹیپ کر رہی ہے ۔