اسلام آباد ( آئی این پی ) قطری شہزادے شیخ حمد بن جاسم کے ذاتی سٹاف نے دورہ پاکستان کے دوران لاہور اوراسلام آباد میں شریف خاندان کے اہم افراد سے ملاقات کی ،قطری شہزدے کے اسٹاف کو جے آئی ٹی کی کاروائی سے متعلق آگاہ کیا گیا جس میں وزیر اعظم کے صاحبزادوں کے ساتھ مبینہ سلوک پر تحفظات کا اظہار کیا گیا۔قطری شہزادے کے اسٹاف نے وطن واپس جاکرشیخ حمد بن جاسم کو صورتحال سے آگاہ کیا جس کے بعد انھوں نے

جے آئی ٹی کو جوابی خط لکھا۔پیر کو ایک نجی ٹی وی کی رپورٹ میں ذرائع کے حوالے سے کہا گیا ہے کہ قطری شہزادے کے ذاتی سٹاف نے حالیہ دنوں میں پاکستان کا دورہ کیا ہے جس کے دوران لاہور اور اسلام آباد میں شریف خاندان کے اہم افراد سے ملاقات بھی کی ۔ شیخ حمد بن جاسم کے سٹاف کی وطن واپسی کے بعد جے آئی ٹی کو خط لکھا گیا ۔ قطری وفد نے وزیر اعظم کے صاحبزادوں کے ساتھ مبینہ سلوک پر تحفظات کا بھی اظہار کیا اور کہا گیا کہ حسین نواز کی تصویر سامنے آنے کے بعد قطری شہزادے کا پاکستان آنا مشکل ہو گیا ہے ۔