اسلام آباد(مانیٹرنگ ڈیسک)پاکستان تحریک انصاف کے چیئرمین عمران خان نے کہا ہے کہ میں محترمہ بے نظیربھٹوکاشروع سے احترام کرتاہوںکیونکہ بے نظیربھٹواورمیں اکٹھے ایک ہی یونیورسٹی میں پڑھے اورہمارے درمیان دوستی تھی ۔تفصیلات کے مطابق عمران خا ن نے بتایاکہ جب میں نے لاہورمیں شوکت خانم ہسپتال کی تعمیرشروع کی اوراس کےلئے پیسے کی ضرورت تھی اس وقت بے نظیربھٹووزیراعظم تھیں
اورمجھے بھی سمجھ نہیں آرہاتھاکہ شوکت خانم کےلئے فنڈزکیسے اکٹھے کروں تواس دوران میں بے نظیربھٹوسے ملنے گیااورجب میں وزیراعظم ہائو س پہنچاتواس وقت بے نظیربھٹومصروف تھیں لیکن اس دوران آصف علی زرداری سے میری ملاقات ہوگئی ۔میں نے آصف علی زرداری کواپنے آنے کامقصدبتایاکہ میں نے شوکت خانم کی تعمیرکامنصوبہ بنایاہے جس پرانہوں نے میری تعریف کی اورکہاکہ مسکراتے ہوئے کہاکہ عمران خان ایک بارہی پیداہوتاہے میں نے شوکت خانم کی تعمیرکے حوالے مددمانگی ۔عمران خان نے بتایاکہ آصف علی زرداری سے ملاقات کرنے کے دوران میراایک دوست بھی ہمراہ تھاجوکہ بہت بڑابزنس مین اورٹیکسٹائل کاکام کرتاتھا،آصف علی زرداری نے اس سے آدھ گھنٹہ سے زائد تعریف کی اوراس کوکہاکہ وہ سندھ میں ٹیکسٹائلزکی دوفیکٹریاں لگادیں اورمجھے بیس فیصد دے دیں ،سندھ میں ہماری حکومت ہے اورآپ کے راستے میں وہاں کی بیوروکریسی کوئی رکاوٹ نہیں ڈالی ،عمران خا ن نے بتایاکہ میں اس وقت سوچ میں پڑگیاکہ میں توانسانی جانوں کوبچانے کےلئے مددکےلئے آیاہوں اورآصف زرداری میرے دوست سے بزنس کےلئے باتوں پرمصروف ہیں ۔وہاں سے ہم دونوں واپس چلے آئے جب شوکت خانم کی تعمیرآخری مرحلے میں پہنچی توپورے ملک میں ہلچل مچ گئی اورساری قوم متحرک ہوگئی تواس دوران مجھے
آصف علی زرداری کاپیغام ملاکہ ہم آپ کے ساتھ ہی ہسپتال کھول دیں گے اورساتھ ہی شراکت داری کی پیشکش کی لیکن میں نے جواب دیدیاکہ اب مجھے کوئی ضرورت نہیں ہے ،پاکستانی عوام نے کام کردکھایاہے ۔
