اسلام آباد (آئی این پی) پختونخوا ملی عوامی پارٹی کے سربراہ محمود خان اچکزئی حکومت سے مذاکرات کا پیغام لے کر متحدہ حزب اختلاف کی عوامی اسمبلی میں پہنچ گئے‘ اپوزیشن اراکین نے حکومتی اتحادی نامنظور کے نعرے لگا دیئے ‘ قوم پرست رہنما مایوس واپس لوٹ گئے‘ عوامی اسمبلی میں بجٹ 2017-18 پر تقاریر جاری تھیں کہ اس دوران پارلیمنٹ ہاؤس کے باہر اس عوامی اسمبلی میں محمود خان اچکزئی پہنچ گئے . صاحبزادہ طارق اﷲ سے بات کی بعد ازاں محمود خان اچکزئی

ڈائس پر چلے گئے جہاں قائد حزب اختلاف سید خورشید شاہ بجٹ پر خطاب کررہے تھے اجلاس کی صدارت ایم کیو ایم کی کشور زہرہ نے کی نعرے لگنے پر اجلاس کی چیئرپرسن ہاؤس ان آرڈر کی ہدایت کرتی رہیں ڈانس پر ہی محمود خان اچکزئی نے خورشید شاہ کو حکومت کا پیغام پہنچایا کچھ دیر دونوں محو گفتگو رہے اپوزیشن لیڈر نے مذاکرات سے انکار کردیا محمود خان اچکزئی اپوزیشن کا قومی اسمبلی بجٹ اجلاس سے بائیکاٹ ختم کروا کر ایوان میں واپس لانا چاہتے تھے ۔