اسلام آباد (آئی این پی) وفاقی وزیر خزانہ اسحاق ڈار نے پاک چین اقتصادی راہدری منصوبوں کیلئے 180 ارب روپے مختص کرنے کا اعلان کرتے ہوئے کہا کہ گوادر میں نئے ایئرپورٹ، 200 بستر کے ہسپتال اور کھارا پانی صاف کرنے کے پلانٹس سمیت 31 نئے منصوبے شروع کیے جائیں گے۔ جمعہ کو وفاقی حکومت نے آئندہ مالی سال کے بجٹ میں مختلف منصوبوں کی تکمیل کیلئے 180 ارب روپے مختص کیے ہیں۔
یہ اعلان وفاقی وزیر خزانہ اسحاق ڈار نے بجٹ تقریر کے دوران کیا انہوں نے کہا کہ 231 بلین روپے اس میگا پروجیکٹ پر خرچ کیے جا چکے ہیں جن میں سے 160 بلین روپے منصوبے کے تحت سٹرکوں اور پلوں پر خرچ کیے گئے ۔ بجٹ تجویز میں وفاقی حکومت نے 44بلین روپے سی پیک کے مغربی روٹ کے لیے رکھے ہیں ۔1.8بلین روپے سی پیک کی سیکورٹی کے لیے مختص کیے گے ہیں اسحاق ڈار نے مزید کہا کہ سی پیک نے قومی معیشت پر مثبت اثرات چھوڑے ہیں ۔ انہوں نے چین کی پاکستان کیلئے امداد کو سراہا ۔ انہوں نے چینی حکومت کی پاکستان ریلوے کی اپ گریڈیشن کیلئے معاشی امداد کا بھی ذکر کیا جس میں کراچی، لاہور،پشاور ایم ایل 1 ریلوے ٹریک بچھایا جائے گا گوادر میں ایک نئے ایئرپورٹ، 200 بستر کے ہسپتال اور کھارا پانی صاف کرنے کے پلانٹس کی تنصیب سمیت مجموعی طور پر 31 نئے منصوبے شروع کیے جائیں گے۔ اسحاق ڈار نے مزید کہا کہ سی پیک نے قومی معیشت پر مثبت اثرات چھوڑے ہیں ۔ انہوں نے چین کی پاکستان کیلئے امداد کو سراہا ۔ انہوں نے چینی حکومت کی پاکستان ریلوے کی اپ گریڈیشن کیلئے معاشی امداد کا بھی ذکر کیا جس میں کراچی، لاہور،پشاور ایم ایل 1 ریلوے ٹریک بچھایا جائے گا گوادر میں ایک نئے ایئرپورٹ، 200 بستر کے ہسپتال اور کھارا پانی صاف کرنے کے پلانٹس کی تنصیب سمیت مجموعی طور پر 31 نئے منصوبے شروع کیے جائیں گے۔
