اسلام آباد(آئی این پی)پانامہ کیس میں وزیر اعظم نواز شریف کے صاحبزادے حسین نوا ز کی درخواست پر جے آئی ٹی کے دو ممبران ایس ای سی پی کے بلال رسول اور سٹیٹ بنک کے عامر عزیز پر اعتراضات کی درخواست پر سپریم کورٹ نے 29 مئی سماعت کیلئے تاریخ مقرر کر دی ۔ تفصیلات کے مطابق حسین نواز شریف نے اعتراض اٹھایا ہے کہ بلال رسول
کی اہلیہ 2013ء کے عام انتخابات میں مسلم لیگ (ق) کی طرف سے خواتین کی مخصوص نشستوں پر اسمبلی کی امیدوار تھیں اور تحریک انصاف کے رہنما میاں اظہر کے قریبی رشتہ دار ہیں جبکہ عامر عزیز سابق صدر جنرل (ر) پرویز مشرف کے قریبی ساتھی رہے ہیں۔ سپریم کورٹ نے حسین نواز کی درخواست سماعت کیلئے منظور کر کے 29 مئی پیر کی تاریخ مقرر کر دی ہے
