اسلام آباد(مانیٹرنگ ڈیسک) نجی ٹی وی چینل کی رپورٹ کے مطابق پاکستان تحریک انصاف نے منی ٹریل کیس کے حوالے سے سپریم کورٹ میں اپنا بیان حلفی جمع کروا دیا ہے۔ بیان کے مطابق لندن فلیٹس کے علاوہ نیازی سروسز کمپنی کا کبھی کوئی اثاثہ نہیں رہا۔ لندن فلیٹس کے بعد نیازی سروسز کو زندہ رکھنا بے فائدہ تھا۔ تحریک انصاف کے اکائونٹس بالکل درست اور شفاف ہیں۔

لندن فلیٹ 1983 میں ایک لاکھ 17 ہزار پائونڈز میں خریدا تھا۔ بنی گالہ کی اراضی جمائمہ خان اور بچوں کیلئے خریدی تھی۔ طلاق پر جمائمہ خان نے بنی گالہ کی اراضی واپس کر دی۔ یہ درست نہیں کہ جمائمہ کے نام بنی گالہ کی اراضی بے نامی خریدی گئی۔ عمران خان کا بیان حلفی میں کہنا تھا کہ جمائمہ خان 2002 میں سنگین الزامات پر دلبرداشتہ ہو کر لندن واپس چلی گئیں۔