اسلام آباد (مانیـٹرنگ ڈیسک) گھریلو ملازمہ زیادتی کے بعد جلا دی گئی ، جسم بری طرح جھلس گیا ،میڈیا رپورٹس کے مطابق تھانہ صدر فیصل آبادکے علاقہ میں گیارہ سالہ گھریلو ملازمہ ساجدہ بی بی کو مالک مکان عبدالغفور اور اس کے ساتھی نے پہلے جنسی تشدد کا نشانہ بنایا بعد ازاں ملزمان نے اس کے جسم پر تیزاب پھینک دیا جس سے وہ بری طرح جھلس گئی ۔ واقعہ کا علم اس وقت ہوا
جب گیارہ سالہ ساجدہ بی بی کا والد اپنی بیٹی سے ملنے کیلئے آیا ۔ساجدہ بی بی کو الائیڈ ہسپتال فیصل آباد میں داخل کرادیا گیا ہے جہاں اس کی حالت انتہائی نازک بیان کی جاتی ہے ۔ پولیس نے مقدمہ درج کرلیا ہے تاہم با اثر ملزمان زیادتی اور تیزاب گردی کا شکار ہونے والی گیارہ سالہ ساجدہ بی بی کے والدین پر مقدمہ واپس لینے کیلئے دبائو ڈال رہے ہیں۔
