ایبٹ آباد(مانیٹرنگ ڈیسک) مانسہرہ کے علاقے میں ایک اور نوجوان ہجوم کے ہاتھوں قتل ہوگیا، جائزہ تعلق کا الزام لگا کر لاش کی بے حرمتی، ڈنڈوں پتھروں اور گولی مار کر قتل کردیا، نیم مردہ نوجوان کو برہنہ کر کے گلیوں میں گھسیٹا گیا۔چارسدہ کی عبدالولی خان یونی ورسٹی کے انسانیت سوز واقعہ کو زیادہ دن نہ گزرے کہ دور جہالت کا ایک اور مثال مانسہرہ کے علاقے میں رقم کردی گئی، جہاں نوجوان کو نامبینہ جائز تعلقات پر موت کی بھینٹ چڑھا دیا گیا۔
رپورٹ کے مطابق ناجائز تعلقات کے الزام میں بپھرے ہجوم نے نوجوان کو مار ڈالا اندوہناک واقعہ مانسہرہ کے علاقے دلولہ میں پیش آیا، جہاں لوگوں نے اپنی عدالت لگالی۔لوگوں نے نوجوان کو ڈنڈوں پتھروں اور پھر گولی مار کر قتل کر دیا۔ تشدد کے بعد نیم مردہ نوجوان کو برہنہ کر کے علاقے کی گلیوں میں گھسیٹا بھی گیا۔ قانون کے رکھوالے تماشہ دیکھتے رہے۔پولیس اہل کار مشتعل ہجوم کے سامنے بے بس دکھائی دیئے۔ پولیس پہنچی تو زخمی نوجوان آخری سانسیں لے رہا تھا، انسانیت سوز واقعہ میں ملوث تین ملزمان کو گرفتار کرلیا گیا ہے، جب کہ مرکزی ملزم واقعہ کے بعد فرار ہونے میں کامیاب ہوگیا۔
