لاہور(آئی این پی) پاکستانی ایئرلائن کی تاریخ میں نئے باب کا اضافہ کرنے والی پہلی خاتون کمرشل پائلٹ شکریہ خانم انتقال کرگئیں۔خاندانی ذرائع کے مطابق پاکستانی ایئرلائن کی تاریخ میں نئی تاریخ رقم کرنے والی پہلی خاتون کمرشل پائلٹ شکریہ خانم مختصر علالت کے بعد انتقال کرگئیں۔اپنے کیریئرکے دوران شکریہ خانم نے بحیثیت گراؤنڈ انسٹرکٹر کے بھی خدمات انجام دیں،
جب کہ ایئرلائن میں شمولیت حاصل کرنے والے کیڈٹس پائلٹ کو سی پی ایل گراؤنڈ کورس کی تربیت بھی دی۔شکریہ خانم کے خاندانی ذرائع کے مطابق وہ کچھ عرصے سے علیل تھیں، جس کے بعد انہیں اسپتال منتقل کیا گیا، تاہم وہ انتقال کرگئیں، انتقال کے وقت ان کی عمر 82 سال تھی، شکریہ خانم کی نماز جنازہ بروز اتوار شام چار بجے ماڈل ٹاؤن میں ادا کی جائے گی۔ پاکستان کی پہلی خاتون پائلٹ شکریہ خانم شدید علیل، معروف صحافی و تجزیہ کارڈاکٹر شاہد مسعود کی خالہ ہیں۔
