امرتسر،لاہور(نیوزڈیسک+آئی این پی)بھارتی پنجاب کے وزیراعلی امریندر سنگھ کے بیان پر کہ ایک بھارتی فوجی کی ہلاکت کا بدلہ لینے کیلئے 3 پاکستانی فوجیوں کا سر قلم کیا جائے کے ردُمل میں وزیراعلی پنجاب محمد شہبازشریف نے کہاہے کہ بھارتی پنجاب کے وزیراعلی کیپٹن امریندرسنگھ کی طرف سے پاکستان کو سبق سکھانے کی دھمکیاں گیڈر بھبھکیوں سے زیادہ نہیں،اسے 1965 کی جنگ سے سبق حاصل کرنا چاہیے ،
بھارت پاکستان کی جان باز اور جذبہ شہادت سے سرشار افواج کی ہمت و مردانگی کا پوری طرح تجربہ کرچکا ہے او راسے 1965 کی جنگ سے سبق حاصل کرنا چاہیے ، پاکستان بھارت سمیت تمام ہمسایوں کے ساتھ پر امن تعلقات چاہتا ہے تاہم امریندرسنگھ جیسے بھارتی لیڈروں کے ایسے بیانات سے دونوں ممالک کے درمیان کشیدگی کا باعث بنتے ہیں ،ہفتہ کو جاری کردہ بیان میں اظہار خیال کر تے ہوئے انہوں نے کہا کہ بھارتی پنجاب کے وزیراعلی کی طرف سے اس قسم کے اشتعال انگیز بیانات سے دونوں ممالک کے درمیان حالات کو معمول پرلانے کی کوششوں کو نقصان پہنچنے کا اندیشہ ہے، جہاں تک بھارتی وزیراعلی نے پاکستانی افواج پر اپنے فوجیو ں کی لاشوں کی بے حرمتی کا الزام بھی دہرایا ہے جس کی حیثیت ایک من گھڑت کہانی سے زیادہ نہیں کیونکہ بھارت نے اقوام متحدہ سمیت کسی بھی بین الاقوامی فورم پر اس طرح کی کوئی شکایت درج نہیں کرائی ۔ وزیراعلی پنجاب نے کہاکہ پاکستان کے عوام کسی بھی جارحیت کا مقابلہ کرنے اور دشمن کو دندان شکن جواب دینے کے لئے اپنی افواج کے ساتھ سیسہ پلائی ہوئی دیوار کی طرح کھڑے ہیں ۔۔ وزیراعلی پنجاب نے کہاکہ پاکستان کے عوام کسی بھی جارحیت کا مقابلہ کرنے اور دشمن کو دندان شکن جواب دینے کے لئے اپنی افواج کے ساتھ سیسہ پلائی ہوئی دیوار کی طرح کھڑے ہیں ۔
