نابلس (مانیٹرنگ ڈیسک)فلسطین کے دریائے اردن کے مغربی کنارے کے شمالی شہر نابلس میں پولیس نے ایک مشتبہ فلسطینی کو حراست میں لیا ہے جس پر الزام ہے کہ اس نے لمبی نماز پڑھانے پر امام مسجد کو پٹرول چھڑک کر آگ لگادی۔العربیہ کے مطابق یہ عجیب وغریب واقعہ نابلس شہر کی ایک مسجد میں حال ہی میں پیش آیا تاہم اس مسجد اور امام مسجد کی شناخت نہیں کی گئی۔ذرائع کے مطابق ملزم امام مسجد کو آگ میں جلانے کی
کوشش میں کامیاب رہا تاہم وہاں پر موجود نمازیوں نے آگ بجھانے میں مدد کی جس کے نتیجے میں امام مسجد کو معمولی زخم آئے ہیں۔۔فلسطینی پولیس کا کہنا ہے کہ ملزم نے پولیس کو تفتیش کے دوران بتایا کہ اس نے امام مسجد کو کئی بار خبردار کیا تھا کہ وہ نماز اور دعا کو بہت لمبا نہ کیا کریں مگر انہوں نے کوئی توجہ نہیں کی۔ امام مسجد کی طرف سے نماز اور دعا کو طول دینے پر اسے مشتعل کیا۔ملزم کےخلاف مقدمہ درج کرلیاگیاہے ۔
