اسلام آباد(آئی این پی)قومی اسمبلی میں اپوزیشن لیڈر سید خورشید شاہ نے بجٹ میں سرکاری ملازمین کی تنخواہوں میں 50 فیصد اضافے کا مطالبہ کر تے ہوئے کہا ہے کہ حکومت عوام کو ریلیف فراہم کرنے میں ناکام ہو چکی ،ن لیگ کے تمام دعوے غلط ثابت ہوئے، حکومت کی توجہ صرف سڑکیں بنانے پر ہے عوام کی طرف نہیں، بلاک شناختی کارڈز کے معاملے پرعوامی نیشنل پارٹی کی قیادت نے احتجاج کا جمہوری راستہ

اپنایا،حکومت میں بیٹھے کچھ لوگ پختونوں کو شناختی کارڈ جاری نہ کرکے غلط پیغام دینا چاہتے ہیں، یہ فیڈریشن ہے حکومت ہر قدم سنبھل کر رکھے، اگراے این پی کے احتجاج سے معاملہ حل نا ہوا تو ملکرکوئی لائحہ عمل تیارکرینگے۔وہ بدھ کو پارلیمنٹ ہاؤس کے سامنے اے این پی کے بھوک ہڑتالی کیمپ سے خطاب کر رہے تھے۔اپوزیشن لیڈر سید خورشید شاہ نے کہا کہ شناختی کارڈز کے بلاک کئے جانے کے معاملے پر اے این پی کے تحفظات کی حمایت کرتے ہیں، اے این پی کی جانب سے پرامن احتجاج کیا جارہا ہے،عوامی نیشنل پارٹی کی قیادت نے احتجاج کا جمہوری راستہ اپنایا، احتجاج کا مقصد حکومت کو پیغام دینا ہے کہ ہم حالات خراب نہیں کرنا چاہتے، سب پاکستان کے شہری ہیں، جو اس ملک کا شہری ہے ان کو قومی شناخت دینا آئینی حق ہے ،یہ کہنا کہ پشتو بولنے والا پختون اس ملک کا حصہ نہیں تو حکومت خطرناک پیغام دینا چاہتی ہے،حکومت میں بیٹھے کچھ لوگ پختونوں کو شناختی کارڈ جاری نہ کرکے غلط پیغام دینا چاہتے ہیں، یہ فیڈریشن ہے حکومت ہر قدم سنبھل کر رکھے، اگراے این پی کے احتجاج سے معاملہ حل نا ہوا تو ملکرکوئی لائحہ عمل تیارکرینگے،ان کے مطالبات پر غور کرنا اور مسئلہ حل کرنا حکومت کی ذمے داری ہے، اس موقع پر اپوزیشن لیڈر خورشید شاہ نے سرکاری ملازمین کی تنخواہوں میں 50 فیصد اضافے کا مطالبہ کر تے ہوئے کہا کہ مہنگائی کو مدنظر

رکھتے ہوئے سرکاری ملازمین کی تنخواہوں میں 50 فیصد اضافہ ضروری ہے،حکومت عوام کو ریلیف فراہم کرنے میں ناکام ہو چکی ہے،لوڈشیڈنگ ختم کرنے کے دعووں کی بھی قلعی کھل گئی،ن لیگ کے تمام دعوے غلط ثابت ہوئے،الیکشن میں وعدے کرنے کے بعد ن لیگ عوام کو بھول گئی ہے حکومت کی توجہ صرف سڑکیں بنانے پر ہے عوام کی طرف نہیں،مہنگائی نے عوام کی کمر توڑ دی ہے۔