آگرہ(آئی این پی)بھارتی شہر آگرہ کے کینٹ ریلوے سٹیشن پر دو دھماکے ہوئے ہیں ۔بھارتی میڈیا کے مطابق داعش کی تاج محل کو اڑانے کی دھمکی کے بعد آگرہ کینٹ ریلوے سٹیشن کو نشانہ بنایا گیا ہے اور دودھماکے کیے گئے ہیں ۔پولیس کا کہنا ہے کہ پہلا دھماکہ اس وقت ہوا جب کینٹ ریلوے سٹیشن کا صفائی کا عملہ وہاں سے کوڑا کرکٹ اٹھا رہا تھا

جبکہ دوسرا دھماکہ 45منٹ بعد کچرا اٹھانے والے جگہ کے قریب ہوا۔دھماکوں کے بعد سکیورٹی اداروں نے علاقے کو گھیرے میں لے کر سرچ آپریشن شروع کردیا ہے۔واضح رہے کہ داعش کی طرف سے تاج محل کو بم سے اڑانے کی دھمکی دی گئی تھی۔