کراچی (آئی این پی) الیکشن کا سال قریب آتے ہی وزیراعظم نواز شریف نے پیپلز پارٹی کا قلعہ سندھ فتح کرنے کیلئے سیاسی سرگرمیاں تیز کر دیں‘وزیر اعظم نے سندھ اور بلوچستان میں سیاسی میدان لگا دیا‘نواز شریف 9 مارچ کو ٹھٹھہ میں جلسے کے بعد اب 25 مارچ کو وزیر اعظم کے شیڈول دورہ ٹنڈوالہ یار اور حیدرآباد میں ترقیاتی پیکج کا اعلان متوقع ہے ‘حیدر آباد میں یونیورسٹی کے قیام کا اعلان بھی ہوگا۔ تفصیلات کے مطابق
2018ء کے الیکشن قریب آتے ہی وزیر اعظم نے اپنی سیاسی سرگرمیاں تیز کردی ہیں۔ اور سندھ میں (ن) لیگ کو مضبوط کرنے کے لیے پے درپے جلسے کرنے جارہے ہیں۔ ذرائع کے مطابق انتخابات قریب آتے ہی وزیر اعظم نے سندھ اور بلوچستان میں سیاسی میدان لگا دیا ہے ، 9 مارچ کو ٹھٹھہ میں جلسے کے بعد اب 25 مارچ کو حیدرآباد میں جلسہ کریں گے۔ 25 مارچ کو ٹنڈوالہ یار اور حیدرآباد کے لیے ترقیاتی پیکج کا اعلان متوقع ہے ،
