راولپنڈی (این این آئی)23 مارچ کو یوم پاکستان کی پریڈ میں چین اور سعودی عرب کے خصوصی دستے، ترک ملٹری بینڈ اور جنوبی افریقہ کی نیشنل ڈیفنس فورس کے سربراہ خصوصی شرکت کرینگے۔آئی ایس پی آر کے مطابق 23 مارچ کی پریڈ کی تیاریاں شکرپڑیاں پریڈ گرائونڈ اسلام آباد میں بھرپور انداز میں جاری ہیں، اس سال
یوم پاکستان کی پریڈ میں پیپلز لبریشن آرمی چین کی تینوں مسلح افواج کا دستہ ، سعودی سپیشل فورسز کا دستہ اور ترک جینیسری ملٹری بینڈ (مہتران) خصوصی طور پر شرکت کرینگے۔دیگر مہمانوں کے علاوہ جنوبی افریقہ کی نیشنل ڈیفنس فورس کے سربراہ جنرل ثولے شوکے بھی پریڈ دیکھنے والوں میں شامل ہونگے۔
