اسلام آباد(مانیٹرنگ ڈیسک)وزیر اعظم نواز شریف کے دورہ گوادر کے موقع پر کئے جانیوالے انتظامات میں انتہائی ہوشربا انکشافات۔ تفصیلات کے مطابق گوادرابھی تک فری پورٹ بنا نہیں لیکن وزیر اعظم نواز شریف اور ان کی کابینہ کیلئے حیران کن حکومتی شاہ خرچیاں سامنے آ گئیں۔ نجی ٹی وی چینل سما نیوز کی رپورٹ کے مطابق گوادر میں وزیر اعظم نواز شریف کے
دورہ کے موقع پر پورافائیو سٹار ہوٹل ہی بک کروا لیا گیا جس کیلئے حکومتی خزانے سے 20 لاکھ روپے یومیہ ادا کئے گئے۔ وزیر اعظم نواز شریف کی گوادر آمد سے ایک دن قبل ہی ہوٹل میں بکنگ بند کر دی گئی اور ہوٹل کے تمام کمروں کو بھی خالی کروا لیا گیا۔ وزیر اعظم نواز شریف اور ان کی پوری کابینہ نے دو روز کیلئے بک فائیو سٹار مہنگے ترین پی سی ہوٹل میں قیام کیا۔
