لاہور ( این این آئی) شوبز کے سنجیدہ حلقوں نے ٹی وی کی معروف اداکارہ نیلم منیر کو بولڈ ویڈیو پر شدید تنقید کا نشانہ بناتے ہوئے کہا ہے کہ نیلم منیر جیسی اداکارہ سے ایسی توقع نہیں تھی کہ وہ اس طرح کی بیہودہ ویڈیو کریں گی ۔ ان حلقوں نے کہا کہ اس طرح کی غیر مناسب اور بیہودہ قسم کی ویڈیو سے نوجوان نسل پر منفی اثرات پڑتے ہیں اور اداکار ہونے کے ناطے ہم سب کا یہ فرض ہے کہ
ہم لوگوں کے سامنے ایسی چیزیں پیش کریں جس سے معاشرے میں مثبت رحجان فروغ پائے ۔ ان حلقوں نے مزید کہا کہ پیسہ سب کچھ نہیں پچھلے دو تین سالوں سے شوبز سے تعلق رکھنے والی اداکارائیں دانستہ طور پر اپنی بیہودہ قسم کی ویڈیو سوشل میڈیا پر اپ لوڈ کر کے نام نہاد شہرت حاصل کرنے کی کوششیں کر رہی ہیں ہم ایسی حرکات کی سختی سے مذمت کرتے ہیں اور اس حوالے سے قانون کو بھی حرکت میں آنا چاہیے ۔
