ممبئی(آئی این پی) بی جے پی کے رہنما نے بالی ووڈ کے معروف ہدایتکار اور فلمساز سنجے لیلا بھنسالی کو جوتا مارنے والے شخص کو انعام دینے کا اعلان کردیا۔بی جے پی کے رہنما اور مدھیا پردیش کی شہری انتظامیہ کے چیئرمین اکھلیش کھنڈیلوال نے بھارتی فلم ڈائریکٹر سنجے لیلا بھنسالی کو جوتا مارنے والے کو 10000 روپے انعام دینے کا اعلان کے کیا ہے۔انہوں نے الزام لگایا کہ
سنجے لیلا بھنسالی اپنی فلم پدماوتی میں رانی پدماوتی کو غلط انداز میں پیش کررہے ہیں۔یاد رہے کہ گزشتہ دنوں جے پور میں فلم پدماوتی کی شوٹنگ کے دوران ہندوستان کی انتہا پسند تنظیم کے کارکنان نے مشہور فلم ڈائریکٹر سنجے لیلا بھنسالی پر حملہ اور احتجاجی مظاہرہ کیا تھا۔مظاہرین کا کہنا تھا کہ سنجے لیلا بھنسالی اپنی فلم میں رانی پدماوتی اور علاالدین خلجی کے درمیان نامناسب سینز کو پیش کریں گے، یہ کردار دپیکا پڈوکون اور رنویر سنگھ ادا کرتے نظر آئیں گے۔
