لندن (مانیٹرنگ ڈیسک) عمران خان کی سابق اہلیہ نے میئر لندن صادق خان پر بے جا تنقیدکی وجہ سے اپنے بھائی کو ہی ٹویٹر پر کھری کھری سنا دیں۔ جمائما کے بھائی بین نے لندن کے مئیر صاد ق خان کولندن انڈر گراونڈ ہڑتال پر تنقید کا نشانہ بنایا تھا۔ صادق خان نے جمائمہ اور بین کے سگے بھائی زیک سمتھ کو الیکشن میں شکست دی تھی۔ماضی میں بھی جمائمہ صادق خان کی تعریف کرتی رہی ہیں اور انہیں نوجوان مسلمانوں کے لیے ایک رول ماڈل قرار دے چکی ہیں۔

مئیر صادق خان پر تنقید کرتے ہوئے بین نے لکھا: لندن کی ہوائیں بہت گرد آلود ہیں۔ اس کا کریڈٹ صادق خان اور ان کے حمایتیوں کو جاتا ہے جو لندن ٹرانسپورٹ یونین کے ذریعے ملک میں آلودگی پھیلا رہے ہیں۔ جواب میں جمائمہ نے لکھا: تم پہلے ہی اس بات کا اعتراف کر چکے ہو کہ بورس کے سائیکل پاتھ ہائی ویز اس آلودگی کا باعث ہیں اس لیے تمہار حق نہیں کہ اس آلودگی کا واحد ذمہ دار صادق خان کو قرار دو۔ یاد رہے کہ جمائمہ کے ٹویٹر فالوورز کی تعداد 2 ملین کے قریب ہے۔

موضوعات:انگلینڈ جمائما خان صادق خان عمران خان لندن