اسلام آباد(نیوز ڈیسک)بہاﺅالدین زکریا یونیورسٹی میں بس کی ٹکر سے 21سالہ طالبہ جاں بحق ہو گئی ہے۔تفصیلات کے مطابق 21سالہ طالبہ عائشہ منظور اپنا کمپیوٹر سائنس کا آخری پرچہ دینے آرہی تھی کہ راستے میں پیچھے سے آتی بس نے ٹکر مار دی جس کے باعث نوجوان لڑکی موقع پر جاں بحق ہو گئی جبکہ بس کا ڈرائیور موقع سے فرار ہونے میں کامیاب ہو گیاہے۔عائشہ منظور یونیورسٹی میں بی ایس کمپیوٹر سائنس کی طالبعلم اور یونیورسٹی پروفیسر کی بیٹی تھی۔یونیورسٹی کے طالبعلم سراپا احتجاج ہیں اور ملزم کیخلاف کارروائی کا مطالبہ کرر ہے ہیں ۔پولیس نے لاش قبضہ میں لے کر کارروائی کا آغاز کر دیاہے۔