نئی دہلی (آئی این پی )بھارتی پولیس نے الزام عائد کیا ہے کہ کانپور ٹرین حادثے کے پیچھے پاکستان کا ہاتھ ہے ۔منگل کو بھارتی میڈیاکے مطابق ریاست بہار کی پولیس کا کہنا ہے کہ 20نومبر 2016کو کانپور ٹرین حادثے جس میں 150افراد ہلاک ہوگئے تھے کے پیچھے پاکستان کا ہاتھ ہوسکتا ہے ۔بہار میں موتیہاری پولیس نے تین افرادکو گرفتار کیا ہے اور انکے بیانات کی بنیاد پر یہ نتیجہ اخذ کیا گیا ہے کہ کانپور کے خوفناک ٹرین حادثے کے پیچھے پاکستان کا ہاتھ ہوسکتا ہے ۔پولیس کا دعویٰ ہے کہ گرفتار افراد میں سے ایک شخص نے اس بات کا اعتراف کیا ہے کہ اسے پاکستانی خفیہ ایجنسی کے ایجنٹوں کی طرف سے پیسے دیئے گئے تھے ۔