اسلام آباد(مانیٹرنگ ڈیسک) چین کے سرکاری میڈیا کی سوشل میڈیا پر ایک وڈیو تیزی سے مقبول ہو رہی ہے۔ تفصیلات کے مطابق چینی سرکاری ٹی وی پر نشر ایک بیان میں کہا گیا ہے کہ بھارت نے اگر چین کے ساتھ کوئی کشیدگی اختیار کی اور اس صورت میں جنگ چھڑ گئی تو چینی فوج موٹر سائیکلوں پر 48 گھنٹے میں بھارت پہنچ جائے گی اور بھارتی دارلحکومت نئی دہلی میں داخل ہو جائے گی۔
چینی سرکاری میڈیا کے مطابق چینی فضائیہ کو بھارت پہنچنے میں صرف 10گھنٹے درکار ہوں گے۔ چین کے سرکاری میڈیا کی جانب سے جاری اس بیان کے بعد سوشل میڈیا پر بھی بڑی ہلچل دیکھنے میں آئی ہے۔ واضح رہے کہ چین نے اپنے سرکاری ٹی وی پر یہ بیان بھارتی جنرل بپن راوت کے پاکستان مخالف بیان کے بعد دیا ہے۔
