بیونس آئرس (آئی این پی) ارجنٹائن نے چینی کمپنی بی وائی ڈی سے بجلی سے چلنے والی بسیں خریدنے کا منصوبہ بنایا ہے ، یہ بسیں مختلف شہروں میں پائلٹ پراجیکٹس کے تحت چلائی جائیں گی ، ارجنٹائن کے ذرائع ابلاغ کے مطابق چینی کمپنی سے بسیں خریدنے کا فیصلہ کئی کمپنیوں کے مقابلے میں کیا گیا ہے ، ارجنٹائن کی حکومت 50بسوں کا ایک بیڑہ چین سے خریدے گی ، 12میٹر لمبی کی ان بسوں کی فراہمی کیلئے پانچ کمپنیوں نے ٹینڈر داخل کئے تھے

تا ہم چینی کمپنی بی وائی ڈی کو کامیاب قرار دیا گیا ،یہ بجلی سے چلنے والی بسیں اس سے قبل لندن میں استعمال کی جارہی ہیں ، چینی کمپنی بسوں کی تیاری کا ایک پلانٹ ارجنٹائن میں لگانے کا منصوبہ بھی بنا رہی ہے جس سے ارجنٹائن میں سرمایہ کاری کو فروغ حاصل ہو گا اور مقامی لوگوں کے لئے روزگار کے مواقع پیدا ہوں گے ، بی وائی ڈی کا ہیڈ کوآرٹر چین کے صوبے شینزن میں ہے اور دنیا بھر میں اس کے ایک لاکھ ساٹھ ہزار ملازمین کام کرتے ہیں ۔