ممبئی(آئی این پی) بالی وڈ اداکار شاہ رخ خان اور اداکار سلمان خان ایک بار پھر فلم میں اکٹھے نظر آئیں گے۔بھارتی میڈیا کے مطابق بالی وڈ اداکار شاہ رخ خان اور اداکار سلمان خان 9 سال قبل فلم اوم شانتی اوم میں اکٹھے نظر آئے تھے اس کے بعد وہ ذاتی اختلافات کے باعث کسی فلم میں جلوہ گر نہیں ہوئے۔مداحوں کے لئے خوشخبری یہ ہے کہ وہ ان دونوں خانز کو ایک بار پھر پردہ سکرین پر اکٹھا دیکھیں گے،اداکار شاہ رخ فلم ٹیوب لائٹ میں مختصر لیکن اہم کردار نبھا رہے ہیں جبکہ سلمان فلم کے ہیرو ہیں،فلم کی ہدایات کبیر خان دے رہے ہیں۔فلم کی عکسبندی کا آغاز ہو چکا ہے،فلم جلد ہی مکمل کر لی جائے گی۔

موضوعات:سلمان خان شاہ رخ خان