اسلام آباد(مانیٹرنگ ڈیسک) بھارت میں سچ بولنا موت کو دعوت دینے کے برابر ہو گیا۔اوم پوری کے قتل کے بعد مزید کئی انسان دوست فنکاروں کی جانوں کو بھارت میں شدید خطرات لاحق ہیں۔ ہندو انتہاء پسندوں نے بھارت میں اپنا نیا کھلواڑ شروع کر دیا ہے۔ تجزیہ نگاروں کا اس بارے میں کہنا ہے کہ نریندر مودی بھارت کو ایک انتہاء پسند ریاست قرار دلوانا چاہتے ہیں۔ سوشل میڈیا پر بھارت کے اندر بھی اب ہندو انتہاء پسندوں کیخلاف آوازیں اٹھنے لگی ہیں۔ نجی ٹی وی کی رپورٹ کے مطابق بھارت میں موجود شبانہ اعظمی، جاوید اختر، عرفان خان، شاہ رخ خان، سلمان خان ، مہیش بھٹ، پوجا بھٹ سمیت دیگر بھارتی امن پسند اداکاروں اور فنکاروں کی جانوں کو خطرات لاحق ہیں۔