دسپور(آئی این پی)بھارتی ریاست آسام میں پولیس نے ایک پاکستانی پرچم کو لہراتے ہوئے پائے جانے کا دعویٰ کیا ہے ۔بھارتی میڈیا کے مطابق ریاست آسام کے ضلع ڈبروگڑھ میں ایک پاکستانی پرچم دو سیاہ جھنڈوں جن پر ’’جہاد‘‘ لکھا ہوا تھا کے ساتھ لہراتے ہوئے پایا گیا ہے ۔ڈبروگڑھ سپرینڈنٹنٹ پولیس گوتم بوھرا کا کہنا ہے کہ ایسا نہیں لگتا کہ یہ کسی بھی جہادی سرگرمیوں سے متعلق ہے ،ہمیں شبہ ہے کہ ایسا علاقے میں کشیدگی پیدا کرنے کیلئے کچھ شرپسند عناصر کی طرف سے کیا گیا ہے ۔ پولیس اس پر کڑی نظر رکھے ہوئے ہے۔ پولیس کا کہنا ہے کہ واقعہ کی تحقیقات شروع کر دی گئی ہے ۔