اسلام آباد (مانیٹرنگ ڈیسک ) میکسیکو میں ایک امریکی کونسلر عہدیدار پر فائرنگ کر کے فرار ہونے والے ملزم کی تلاش جاری ہے۔جرمن ذرائع ابلاغ کے مطابق حکام کا کہنا ہے کہ اس مشتبہ حملہ آور نے ایک خاتون نرس کا روپ دھارا ہوا تھا اور اس نے فائرنگ کر کے امریکی عہدیدار کو زخمی کر دیا۔ یہ واقعہ ہفتے کی شام گوادلاجارا نامی شہر میں ایک شاپنگ سینٹر کے باہر پیش آیا۔ مقامی حکام کے مطابق ویڈیو فوٹیجز سے ظاہر ہوتا ہے کہ امریکی سفارت کار اس حملہ آور کا براہ راست ہدف تھا۔ امریکی وفاقی تحقیقاتی ادارے ایف بی آئی نے اس حملہ آور کے بارے میں اطلاعات فراہم کرنے پر بیس ہزار ڈالر کا انعام مقرر کیا ہے۔