نئی دہلی(آئی این پی)بھارتی ایئر لائن کے مسافر کو خاتون سے چھیڑ چھاڑ کرنے پر گرفتار کر لیا گیا ۔بھارتی میڈیا کے مطابق ممبئی سے نیویارک جانے والے ایئر انڈیا کے طیارے میں بزنس کلاس میں بیٹھا مسافر اکانومی کلاس میں بیٹھی خاتون کے سامنے والی سیٹ خالی دیکھ کر وہاں جا بیٹھا اور

اسے سوتا دیکھ کر چھیڑ چھاڑ کرنے کی کوشش کی ۔بھارتی شہری کی نازیبا حرکات پر خاتون کی آنکھ کھل گئی جس نے عملے سے شکایت کر دی اور امریکہ پہنچتے ہی پولیس کو اطلاع کر دی جس کے بعد 40سالہ شخص کوامریکی پولیس نے گرفتار کر لیا ۔