کراچی (مانیٹرنگ ڈیسک) نہایت خو ش آئند بات ہے کہ اسراف اپنے عروج کو پہنچ کر نہایت آہستگی مگر تسلسل کے ساتھ تزلزل کا شکار ہے ۔ نئے شادی کر نے والے جوڑے جہاں اپنی شادیاں محسن انسانیت ﷺ کے بتائے طریقوں کے مطابق کررہے ہیں وہیں اب جہیز جیسی لعنت کا خاتمہ بھی ہوتا دکھائی دے رہا ہے ۔
تازہ ترین میڈیا رپورٹس کے مطابق ٹی وی اداکار یسرا اور عبد الہادی رشتہ ازدواج میں بندھ گئے ہیں اور انہوں نے نکاح کی تقریب انتہائی سادگی کے منعقد کی گئی جس میں جوڑے نے سفید رنگ کے سادہ ملبوسات زیب تن کیے۔ خوبصورت بات تو یہ ہے کہ نئے شادی شدہ جوڑے نے ”نماز فجر” کو بطورحق مہر لکھوایا۔شادی کی اس پر وقار تقریب میں پاکستانی ڈرامہ و فلم انڈسٹری کے ستاروں نے بھی شرکت کی ۔واضح رہے کہ دونوں کی عمروں میں 10 سال کا فرق ہے اور عمر کے اس فرق سے متعلق جب عبد الہادی سے سوال کیا گیا تو انہوں نے محسن انسانیت حضرت محمد صلی اللہ علیہ واٰلہ وسلم کی مثال دی کہ انہوں نے بھی اپنے عمر سے 15 سال بڑی حضرت خدیجہ رضی اللہ عنہ سے نکاح کیا تھا۔ شوبر اور ٹی وی انڈسٹری کے تمام ستاروں نے اس جوڑے کے لیے نیک خواہشات کا اظہار کیا۔
