لاہور(آئی این پی)لاہور کی مقامی عدالت نے ادکارہ قسمت بیگ کے قتل میں ملوث چاروں ملزمان کے جسمانی ریمانڈ میں تین روز کی توسیع کر دی۔
لاہور کی مقامی عدالت کے جوڈیشل مجسٹریٹ شوکت رانجھا کی عدالت میں ادکارہ قسمت بیگ کے قتل میں گرفتار ملزم عابد حسین، محمد اعظم، محمد رضوان اور حبیب الرحمن کو پیش کیا گیا۔ پولیس افسر نے عدالت کو بتایا کہ ملزمان نے دوران تفتیش اپنا جرم قبول کیا ہے، ملزمان کے قبضے سے واردات میں استعمال ہونے والی گاڑی اور موٹرسا ئیکل بھی برآمد کر لی گئی ہے۔
تاہم آلہ قتل راڈ اور پسٹل برآمد کرنا باقی ہیں، ملزمان کا مزید 8 روزہ جسمانی ریمانڈ دیا جائے۔عدالت نے ملزمان کے جسمانی ریمانڈ میں تین روز کی توسیع کرتے ہوئے انہیں دوبارہ 31 دسمبر کو پیش کرنے کا حکم دے دیا۔
