اسلام آباد(مانیٹرنگ ڈیسک) نجی ٹی وی چینل سٹی 42 نیوز کے مطابق معروف پاکستانی گلوکار بلال سعید کی والدہ نے اپنے ہی بیٹے کیخلاف مقدمہ درج کروا دیا۔ بلال سعید کی والدہ نے اپنے بیٹے کیخلاف ایف آئی آر درج کرواتے ہوئے کہا کہ بلال سعید نے گھر میں سے کروڑوں روپے چوری کئے ہیں۔ پولیس ایف آئی آر کے مطابق گلوکار بلال سعید کی والدہ نے اپنے دو بیٹوں، بلال سعید اور فاروق سعید کیخلاف مقدمہ درج کروا دیا ہے جس میں یہ کہا گیا ہے کہ بلال سعید اور فاروق سعید نے کروڑوں روپے چوری کئے ہیں۔ عدالت نے ملزمان کی عبوری ضمانت منظور کی ہوئی ہے۔ بلال سعید کی والدہ کے مطابق بلال سعید نے 6 کروڑ روپے سے زیادہ مالیت کے زیوارت اور ملکی و غیر ملکی نقدی ہتھیا لی ہے۔

موضوعات:بلال سعید گلوکار