ممبئی(آئی این پی)پاکستان میں بھارتی فلموں کی اسکریننگ پر پابندی کے خاتمے کو بولی وڈ اسٹارز پریانکا چوپڑا ‘کاجول اور انیل کپور نے خوش آئند قرار دیا ہے۔ بھارتی خبررساں ادارے ٹائمز آف انڈیا کے مطابق بولی وڈ اسٹار پریانکا چوپڑا نے پابندی کے خاتمے پر خوشی کا اظہار کیا۔پریانکا کا کہنا تھا کہ وہ فن کا مظاہرہ دنیا بھر میں جاری رہنے پر یقین رکھتی ہیں۔ادھر کاجول نے بھی پاکستانی سنیما مالکان کے اقدام پر خوشی کا اظہار کیا اور اس کو فلمی صنعت کیلئے ایک بہتر عندیئے سے تعبیر کیا۔ کاجول کا کہنا تھا کہ کسی بھی جگہ جہاں پر فلمی صنعت کی بنیاد رکھی جاتی ہے اور جہاں اس کو مثبت اشارے ملتے ہیں، وہ اس کی حمایت میں ہیں۔انیل کپور نے بھی پاکستانی سنیما مالکان کے فیصلے پر خوشی کا اظہار کیا اور کہا کہ یہ اچھی خبر ہے۔

موضوعات:انیل کپور بولی وڈ اسٹارز پریانکا چوپڑا ‘کاجول