ممبئی(مانیٹرنگ ڈیسک) بھارت کے معروف ترین لیجنڈ اداکار دھرمندر کی طبیعت اچانک بگڑ گئی ہے جس پر انہیں ہسپتال منتقل کر دیا گیا ہے۔ تفصیلات کے مطابق شعلے فلم سے شہرت کی بلندیوں کو پہنچنے والے معروف بھارتی اداکار دھرمندر کے پیٹ میں شدید درد اٹھنے پر انہیں ہسپتال منتقل کردیا گیا ہے ۔ بھارتی میڈیا رپورٹس کے مطابق منگل اور بدھ کی درمیانی رات ممبئی میں بالی ووڈ کے لیجنڈ اداکاردھرمیندر کے پیٹ میں اچانک تکلیف ہوئی جس نے دیکھتے ہی دیکھتے شدت اختیارکرلی اور انہیں قے کے ساتھ تیزبخاراورجسم میں شدید درد کے باعث ممبئی کے نانا وتی اسپتال لے جایا گیا جہاں انہیں انتہائی نگہداشت کے وارڈ میں رکھا گیا ہے اور ڈاکٹرز ان کی نگہداشت کر رہے ہیں ۔ دھرمندر کے اہل خانہ نے ان کے مداحوں سے دعاؤ ں کی اپیل کی ہے ۔