لاہور (این این آئی) فلمسٹار ثنا ہالی ووڈ کی فلم میں کام کریں گی۔ذرائع کے مطابق اداکارہ ثنا نومبر کے آخر میں پاکستان اچیومنٹ ایوارڈ حاصل کرنے کے لئے انگلینڈ گئی تھیں جہاں انہوں نے ایوارڈ حاصل کرنے کے ساتھ ایک شو میں پرفارم بھی کیا تھا۔شو میں موجود ہالی ووڈ سے تعلق رکھنے والے ڈائریکٹر جان پیٹرسن نے ثنا کو اپنی ایک فلم میں کام کرنے کی پیشکش کی جس پر اداکارہ نے رضا مندی کا اظہار کر دیا تاہم اس حوالے سے ابھی ان کے درمیان معاہدہ ہونا باقی ہے۔ثنا ہالی ووڈکے ڈائریکٹر جان پیٹرسن سے اگلے ماہ دوبارہ ملاقات کریں گی جس میں معاہدے پر دستخط کرنے کے ساتھ ہی ثنا ہالی ووڈ سٹار بھی بن جائیں گی۔