لاہور(آئی این پی) لاہور کے سول جج اسد اللہ نے بچیوں کا خرچا نہ دینے پر اسٹیج آرٹسٹ طارق ٹیڈی کے وارنٹ گرفتاری جاری کر دےئے‘ عدالت کا بیلف کو 20 دسمبر کو پیش کرنے کا حکم۔تفصیلات کے مطابق سول جج اسد اللہ کی عدالت میں تین سالہ صفہ اور پانچ سالہ مروا نے اپنی والدہ عاصمہ ریاض کی طرف سے بچیوں کا خرچہ نہ دینے پر دعوے دائر کیا جس میں موقف اختیار کیا کہ عدالت نے طارق ٹیڈی کو بچیوں کا خرچا دینے کا حکم دیا لیکن طارق ٹیڈی نے بچیوں کا خرچہ15ہزار فی کس ادا نہیں کر تا ۔
بچیوں کی والدہ کا کہنا ہے کہ وہ اس مہنگی کے دور میں کس طرح بچیوں کو پالے۔ عدالت کو ان کے وکیل آصف ندیم نے بتایا کہ طارق ٹیڈی لاکھوں روپے کما رہا ہے لیکن بچیوں کا خرچا ادا نہیں کر رہا۔ اس پر عدالت نے طارق کو طلب کیا اور عدالت میں پیش نہ ہونے پر طارق ٹیڈی کے وارنٹ گرفتاری جاری کردیئے ۔‎