ممبئی(این این آئی) بالی ووڈ کے مسٹر پرفیکٹ عامر خان کو ایک ساتھ 2بڑی خوشخبریاں مل گئیں ہیں۔ تازہ ترین میڈیا رپورٹس کے مطابق بالی ووڈ اداکار عامر خان کی فلم دنگل کو بھارتی سنسربورڈ نے بغیرکسی کٹ کے لیے نمائش کی اجاز ت دیدی۔ بھارتی میڈیا کے مطابق عامر خان کی فلم ’’دنگل‘‘ کو بورڈ آف فلم سرٹیفکیشن نے ایک فیملی انٹرٹینمٹ فلم قرار دیتے ہے بغیرکسی کٹ کے عالمی نمائش کی اجازت دیدی ہے، بتایا گیاہے کہ فلم ’’دنگل‘‘ 21دسمبر کو امریکا جب کہ 23 دسمبر کو بھارت سمیت دیگر ممالک میں نمائش کے لیے پیش کی جائے گی۔عامر خان 2 سال بعد ایک بار پھر پردہ اسکرین پر’’دنگل‘‘ کے ذریعے واپس آرہے ہیں اور اس فلم نے ریلیز سے قبل ہی اتنا بزنس کرلیا جتنا شاہ رخ خان کی فلم ’’فین‘‘ نے بھارت بھر میں کیا تھا۔فلم فین نے بھارت میں لگ بھگ 80 کروڑ روپے کمائے تھے اور فلم دنگل کے سیٹلائٹس رائٹس ہی 75 کروڑ میں فروخت ہوئے ہیں۔
زی ٹیلیویژن نے 75 کروڑ کے عوض دنگل کے سیٹلائٹ رائٹس خریدے ہیں اور اس طرح عامر خان نے اپنا ہی ریکارڈ توڑا ہے جو ان کی فلم دھوم تھری نے 65 کروڑ کے عوض سیٹلائٹ رائٹس کے فروخت نے بنایا تھا۔مگر فلم دنگل کے لیے زی ٹیلیویڑن 55 کروڑ پہلے ادا کرے گی جبکہ باقی 20 کروڑ روپے اس وقت دیئے جائیں گے جب وہ سو کروڑ کلب کا حصہ بن جائے گی۔سیٹلائٹ رائٹس خریدنے والی کمپنی کو یقین ہے کہ عامر خان کی یہ نئی فلم آمدنی کے نئے ریکارڈز بنانے میں کامیاب ہوسکتی ہے۔اس فلم سال کی سب سے زیادہ کمانے والی فلم سلمان خان کی ‘سلطان’ ہے جس نے بھارت میں مجموعی طور پر 200 ارب سے زائد کا بزنس کیا تھا۔ماہرین کا خیال ہے کہ فلم دنگل پلے روز 24 کروڑ سے زائد کمانے میں کامیاب رہے گی۔نتیش تیواری کی ہدایات میں بننے والی یہ فلم 23 دسمبر کو ریلیز ہورہی ہے جس کے دیگر ستاروں میں ساکشی تنور، فاطمہ ثناء شیخ اور ثنیہ ملہوترہ شامل ہیں۔خیال رہے کہ اس سے قبل عامر خان کی آخری فلم 2014 میں’’پی کے‘‘ ریلیز ہوئی تھی جس نے باکس آفس پر آمدنی کا ریکارڈ قائم کیا تھا۔