نئی دہلی (این این آئی)بھارت میں نوٹ بندی کے حکومتی فیصلے پر عوام کی مشکلات برقرار ہیں۔نوٹ تبدیل کروانے کے چکر میں 65 سے زائد افراد جانیں گنوا بیٹھے۔حزب اختلاف برہم ہے جبکہ پارلیمنٹ کی کارروائی بھی مسلسل تعطل کا شکار ہے تاہم اس تمام تر صورتحال کے باوجود بھارتی وزیراعظم نریندر مودی نے نوٹ بندی کے فیصلے کو عوام کی جانب سے بے حد مقبول اور اپنے لئے باعث فخرقرار د یا ہے۔غیرملکی خبررساں ادارے کے مطابق بھارت میں نوٹ بندی کے حکومتی فیصلے پر عوام کی مشکلات برقرار ہیں۔نوٹ تبدیل کروانے کے چکر میں 65 سے زائد افراد جانیں گنوا بیٹھے جبکہ مودی نے کہاکہ حزب اختلاف نوٹوں کی تبدیلی کے فیصلے پر عوام کو گمراہ کررہی ہے۔ انہوں نے کہاکہ میرے لئے یہ بات میرے لئے مسرت اور فخر کا باعث ہے کہ عوام نے نوٹ بندی کا خیر مقدم کیا ہے ۔