انقرہ (این این آئی)ترکی نے ایک بار پھر یورپی ممالک کو خبردار کیا ہے کہ وہ انقرہ کے ساتھ تعلقات بہتر بنانے کے لیے اقدامات کریں۔ اگر یورپ اور ترکی کے درمیان تعلقات میں خلل پیدا ہوتا ہے تو اس کا مطلب یہ ہوگا کہ پناہ گزینوں کے جس طوفان کو ترکی نے روک رکھا ہے اس کا رخ یورپ کی طرف ہوجائیگا۔
غیرملکی خبررساں ادارے کے مطابق ترک وزیراعظم بن علی یلدرم نے ایک بیان میں کہا کہ ترکی کے بغیر یورپ پناہ گزینوں کے طوفان سے نہیں نمٹ سکتا۔ اگر ترکی اور یورپ کے درمیان بات چیت تعطل کا شکار ہوتی ہے تو اس کا ترکی سے زیادہ یورپ کو نقصان ہوگا۔بن علی یلدرم کا کہنا تھا کہ ترکی یورپ کو تحفظ دینے والا ایک اہم عوامل ہے۔ اگر ہم نے پناہ گزینوں کو چھوڑ دیا تو یورپ میں پناہ زینوں کا نیا طوفان آئے گا اور یورپی ممالک ترکی کے بغیر اسے نہیں برداشت کرسکتا۔
