اسلام آباد (مانیٹرنگ ڈیسک)بھارتی وزیر خارجہ سشما سوراج نے کہا ہے کہ پاکستان کی طرف سے بھارتی ہائی کمیشن کے عملے کے ارکان پر جاسوسی کے الزامات بھارت کا امیج خراب کرنے کی بھونڈی کوشش ہے۔بدھ کو بھارتی میڈیا کے مطابق وزیر خارجہ سشما سوراج نے لوک سبھا میں تحریری جواب میں آگاہ کیا ہے کہ پاکستان کی جانب سے اسلام آبادمیں بھارتی ہائی کمیشن کے عملے پر لگائے گئے جاسوسی کے الزامات پڑوسی ملک کی جانب سے بھارت کے امیج کو خراب کرنے کی بھونڈی کوشش ہے اور سفارتکاروں کے نام میڈیا میں جاری کرنا ویانا کنونشن کی خلاف ورزی ہے ۔واضح رہے کہ پاکستان نے رواں ماہ جاسوسی میں ملوث بھارتی ہائی کمیشن کے 8اہلکاروں کو ملک بدر کردیا تھا۔

موضوعات:سشما سوراج