حیدرآباد(آئی این پی)بھارتی ٹینس اسٹار اور پاکستانی کرکٹر شعیب ملک کی اہلیہ ثانیہ مرزا کی بہن انعم مرزا کی شادی کی رنگارنگ تقریبات کچھ دن پہلے حیدر آباد دکن میں ہوئی جہاں سنگیت کی رسم میں بالی ووڈ ستاروں سلمان خان، پرینیتی چوپڑا، فرح خان اور ارجن کپور نے شرکت کی۔تقریبات میں بالی ووڈ ستاروں نے بھی شرکت کی اور مہندی کی رسم میں خوب ٹْھمکے لگائے۔جس کی تصاویر نے سوشل میڈیا پر دھوم مچا دی۔شعیب ملک اور بھارتی اداکارہ پرنیتی چوپڑا نے بھی زبردست ڈانس کیا جس کی ویڈیو سوشل میڈیا وائرل ہو رہی ہے ۔
یاد رہے کہ اس سے قبل شعیب ملک بنگلہ دیش پریمیئرلیگ کوچھوڑکراپنے سسرال بھارت کے شہرحیدرآباد گئے تھے جس کی وجہ یہ ہے ،شعیب ملک کی اہلیہ ثانیہ مرزاکی چھوٹی بہن انعم مرزاکی شادی ہورہی تھی ۔اس موقع پرشعیب ملک نے میڈیاسے گفتگوکرتے ہوئے کہاکہ وہ انعم مرزاکی شادی کی وجہ سے اپنی ٹیم بریسل بلزکی تین میچوں میں نمائندگی نہیں کرسکیں گے اورانعم مرزاکی شادی کے بعد دوبارہ بنگلہ دیش 19نومبرکوجائیں گے اورٹیم کوجوائن کریں گے ۔

موضوعات:پرینیتی چوپڑا شعیب ملک