ریاض (آن لائن) سعودی پولیس نے سماجی رابطوں کی ویب سائیٹ فیس بک پر کعبتہ اللہ کی مبینہ بیحرمتی کے الزام میں ایک بھارتی تارکین وطن کو گرفتار کر لیا ۔ غیر ملکی خبررساں ادارے کے مطابق ریاض پولیس کے ترجمان نے بتایا کہ ایک بھارتی تارکین وطن نے فیس بک پرکعبتہ اللہ کے اوپر بدھ مت کے بت بدھا کی تصویر لگانے کی کوشش کر کے کعبہ کی بیحرمتی کی ہے جس پر خطے کے انویسٹی گیشن ڈیپارٹمنٹ نے اسے گرفتار کر کے تحقیقات شروع کر دی ہیں ترجمان کا کہنا ہے کہ ابھی گرفتار کئے جانے والے بھارتی تارک وطن کی شناخت نہیں ہو سکی ۔