اسلام آباد(مانیٹرنگ ڈیسک) پاک فضائیہ کی نقل کرتے ہوئے بھارتی فضائیہ نے بھی ایک ایسی کوشش کی اور پوری دنیا کے سامنے شرمندگی کا سامنا کرنا پڑا لیکن بھارت نے اپنی شرمندگی کو دور کرنے کیلئے ہائی وے پر جنگی جہاز اتارنے میں ناکامی کا سارا ملبہ ایک ’’کتے‘‘ پر ڈال دیا۔بھارتی شہر آگرہ سے لکھنو جانے والی نو تعمیر شدہ ایکسپریس ہائی وے جس کا کل افتتا ح بھی کیا گیاہے پر بھارتی فضائیہ نے کسی بھی ہنگامی صورتحال میں ایکسپریس ہائی وے کو رن وے کی صورت میں استعمال کرنے کی مشق کی لیکن ایک بھی طیارہ لینڈ کرنے کی ہمت نہیں کر سکا ،طیارہ اپنے پچھلے پہیے تو سٹرک پر لگا دیتا لیکن پائلٹ نے ٹائر پھٹنے کے خوف سے طیارہ کو لینڈ کروانے کا خطرہ مول نہیں لیا اور واپس طیارے کو اوپر اٹھا لیالیکن بھارتی فضائیہ نے خفت مٹانے کیلئے ملبہ کتے پر ڈالتے ہوئے کہا کہ اچانک ایک کتے کے ہائی وے پر دوڑ آنے سے جنگی جہاز اتارنے کا مظاہرہ نہیں ہو سکا۔یوں بھارتی سورماؤں کا موت سے خوف پوری دنیا کے سامنے واضح ہوگیا۔ واضح رہے کہ پاکستان کے پاس موٹر وے ایک بڑے اور انتہائی کار آمد رن وے کے صورت میں موجود ہے جسے کسی بھی وقت پاک فضائیہ ہنگامی لینڈنگ کیلئے استعمال کر سکتی ہے اور متعدد بار پاک فضائیہ کی جانب سے اس پر لینڈنگ اور ٹیک آف بھی کیا گیاہے۔

موضوعات:بھارتی فضائیہ پاک فضائیہ