اسلام آباد(مانیٹرنگ ڈیسک) بھارت نے ایک بارپھرپاکستان کے خلاف پروپیگنڈہ شروع کردیاہے ۔بھارت کے ایک معروف نجی ٹی وی چینل آج تک نے پاکستان پرالزام لگایاہے کہ پاکستان ایک طرف بھارت سے دوستی کاہاتھ بڑھارہاہے جبکہ دوسری طرف بھارت کے ساتھ اپنی سرحد کے اندرخفیہ کیمرے لگارہاہے ۔بھارتی ٹی وی نے الزام عائد کیاکہ یہ کیمرے سرحدی قوانین کی خلاف ورزی ہیں کیونکہ 500میٹرتک سرحد کے قریب یہ کیمرے نہیں لگائے جاسکتے ہیں۔بھارتی ٹی وی نے دعوی کیاکہ ان کیمروں کی تنصیب پربھارتی سکیورٹی فورسزکے سربراہ نے پاکستان رینجرزسے احتجاج بھی کیاہے ۔بھارتی ٹی وی نے اپنی ایک رپورٹ میں دکھایاکہ راجھستان کی سرحد

کے قریب کچھ کھمبے لگے ہوئے ہیں اوران کھمبوں کی تنصیب کاالزام بھی پاکستان پرلگایاکہ یہ کیمرے بھارت کی جاسوسی کےلئے لگائے جارہے ہیں اورہرپندرہ فٹ کے بعد یہ کھمبے لگائے گئے ہیں جن پرخفیہ کیمرے لگائے جائیں گے اورپاکستان کویہ جاسوسی کرنے والے کیمرے پاکستان کاقریبی دوست چین فراہم کررہاہے تاکہ بھارتی سرحدکی جاسوسی کی جاسکے ۔

واضح رہے کہ بھارت حکومت اوربھارتی میڈیاایک طرف مقبوضہ کشمیرمیں ہونے والی ریاستی دہشتگردی پرکوئی بات نہیں کرتاجبکہ دوسری طرف پاکستان پرایسے بے سروپاالزامات عائد کرتارہتاہے ۔واضح رہے کہ پاکستان کے پاس بھارت کی دہشتگردی کے واضح ثبوت موجود ہیں لیکن پھربھی مودی سرکاراوربھارتی میڈیاپاکستان کے خلاف زہراگلتارہتاہے جبکہ ایل اوسی پربھارتی فائرنگ معمول ہے جس کابھارتی میڈیاذکرتک نہیں کرتا۔

Indian Media is Crying Over pakistani Spy Cameras by Ayeshablogger

موضوعات:بھارت چین خفیہ کیمرے